Formuláriu Klarifikasaun Klíniku

Perguntas ba família, atu klarifika istória moras oan-mane nian

Naran pasiente: Eliazaro Daniel Costa Worang | Data moris: 04-02-2019

Bom dia. Ha'u presiza ita-boot nia resposta ba pergunta sira tuirmai atu nune'e ha'u bele iha imajen klaru kona-ba ita-boot nia oan-mane nia kondisaun. Favor hatán ho detallu tanto bele.

1. Konabá reasaun ba karbamazepina ("ba oin metan hotu")

Favor deskreve loloos saida mak akontese bainhira ita-boot nia oan-mane hemu karbamazepina. Nia kulit muda kór, mosu manxa ka bolla, ka iha buat ruma akontese ba nia matan, vizaun, ka oin durante ka antes kejang?

Manxa ka mudansa ne'e mosu iha parte ne'ebé husi isin — oin, isin tomak, ka liman?

Bainhira hahú hemu karbamazepina, liu tempu hira (oras, loron, ka semana) mak manxa ka reasaun ne'e mosu?

Bainhira reasaun ne'e mosu, nia isin-manas ka sente ladún di'ak, ka aprezenta sintoma seluk?

Ita-boot iha foto ruma husi sinal sira neebe mosu iha kulit nee ka lae?

Médiku ida haree ona reasaun ida-ne'e, no iha ema ruma hatete atu para karbamazepina tanba ida-ne'e?

2. Konabá kreximentu

Ita-boot bele konfirma ita nia oan-mane nia todan-isin (kg) no as-isin/tinggi (cm) aktual? Iha KMS ka livru saúde ruma ne'ebé rejistu ida-ne'e?

3. Konabá eventu kejang (detallu)

Molok kejang hahú, nia hatete buat ruma, hatudu oin hanesan ta'uk, hateke ba diresaun ruma, ka halo hahalok estranhu — ka kejang mosu deit lahó avizu?

Durante kejang: isin-lolon tomak nakdoko, ka hahú iha sorin ida ka liman/ain ida uluk?

Nia lakon konsiénsia, ka iha konsiénsia maibé labele movimenta ka ko'alia?

Nia matan fila ba sorin ida?

Nia tata nia nanál ka lakon kontrolu ba nia bexiga?

Depois kejang remata, tempu hira mak nia presiza atu fila fali ba normál — minutu ka oras?

4. Konabá istória aimoruk no adezaun

Iha kada tempu stock-out, loron ka semana hira mak nia la hemu aimoruk?

Iha dala seluk nia lakon doze tanba razaun seluk duké stock-out — hanesan folin, haluha, ka moras?

Agora daudaun, nia hemu levetiracetam no fenitoína loroloron lahó interupsaun? Família bele asesu ba rua-nee ho konfiável?

Fenitoína ka levetiracetam hetan ona redusaun ka hapara tuir instrusaun médiku, ka família mak hatún rasik doze?

5. Konabá gatilho no padraun

Kejang sira akontese barak liu bainhira isin-manas, moras, la toba di'ak, ka la simu doze aimoruk?

Iha istória família kona-ba kejang ka epilepsia iha inan ka aman nia sorin?

Iha problema ruma durante isin-rua, tempu partu, ka fulan dahuluk moris nian — partu susar, falta oksijéniu, jaundice, ka infesaun?

Ninia dezenvolvimentu normál — la'o, ko'alia, aprende — kompara ho labarik sira seluk ho idade hanesan?

6. Konabá ezame no konsulta uluk

Nia halo ona EEG ka eskaneamentu ba kakutak (CT ka MRI)? Se sim, iha ne'ebé, no família iha rezultadu?